Ar ôl i Gaerdydd groesawu Gŵyl BBC 6Music eleni, bydd Gŵyl Sŵn yn dychwelyd fis Hydref yn ei maint llawn am y tro cyntaf ers 2019, i gloi blwyddyn arbennig i gerddoriaeth Cymru.

Heddiw, mae Gŵyl Sŵn Caerdydd, sy’n prysur ddod yn un o uchafbwyntiau calendr cerddoriaeth newydd gwledydd Prydain, yn cyhoeddi eu sypyn cyntaf o enwau ar gyfer gŵyl 2022, a fydd yn digwydd ledled y brifddinas rhwng 21 a 23 Hydref.

Mae’r ŵyl flasu yn cyflwyno cymysgedd perffaith o artistiaid newydd a sefydledig, mewn dathliad o natur amrywiol a chyffrous cerddoriaeth Prydain a’r tu hwnt.

Wrth siarad am ddathliadau eleni, meddai rheolwr byw Clwb Ifor Bach a Gŵyl Sŵn Adam Williams:

“Alla i ddim pwysleisio mor gyffrous ydw i a’r tîm yn Clwb ein bod ni’n gallu dod â Gŵyl Sŵn ’nôl yn 2022 yn ei ffurf lawn. Rydyn ni mor falch o gael rhannu’r don gyntaf o ŵyl 2022 gyda chi. Mae trefnu’r lein-yp bob amser yn bleser, ac rydyn ni’n dal i gael ein synnu rywsut gan faint o artistiaid newydd sydd bob blwyddyn. Mae’n dipyn o gamp eu cynnwys nhw i gyd ar y bil. Faint o fandiau sy’n ormod?

“Mae’r ŵyl bob amser wedi arddangos y rhai rydyn ni’n credu yw’r bandiau a fydd ar frig lein-yps gwyliau’r dyfodol, a bydd yn parhau i wneud hynny, gan gynnwys artistiaid o Gymru ac yn artistiaid rhyngwladol. Eleni, bydd canol Caerdydd yn croesawu dros 120 o artistiaid ar draws 12 safle. Paratowch am leoliadau newydd, wynebau cyfarwydd, a llond y lle o binc!”

Bydd noson agoriadol yr ŵyl eleni yn digwydd nos Wener, 21 Hydref, yn Tramshed, sydd â chapasiti i 1000 o bobl, ac mae’n argoeli i fod yn gychwyn bywiog i’r digwyddiad. Bydd y band dihafal BC Camplight yn dychwelyd i Gaerdydd ar gyfer eu sioe fwyaf hyd yma yn y brifddinas, gyda gwledd eclectig o glasuron cantorion-gyfansoddwyr, pop-synth ceinciog, a roc a rôl y pumdegau. Yn ymuno gyda nhw bydd yr arwyr lleol Panic Shack, sy’n parhau â’u blwyddyn lwyddiannus yn 2022 gydag anthemau pync-indi miniog heb eu hail.

Yn ymuno a nhw, mae’r band pync lleol, Panic Shack sydd yn sy'n parhau â'u hymgyrch 2022 gydag anthemau indie-pync cyflym. Dywed y band,

“Mae gan Swn le arbennig yn ein calonnau, fe gawson ni slot yn 2019 pan oedden ni’n ffres allan o groth Shack, ar ôl chwarae dim ond llond llaw o sioeau. Buom yn chwarae i Glwb Ifor Bach orlawn lawr grisiau ac mae'n dal i fod yn un o hoff foment y band.

I fod yn chwarae eto eleni, yn Tramshed (!) gyda set o fwy na dim ond ein 4 cân amrwd ac cwpl o covers y dechreuon ni gyda nhw yn hynod gyffrous ac ni allwn aros i'w ychwanegu at y rhestr. ”

Gan gadw pethau’n lleol, ochr yn ochr â Panic Shack bydd amrywiaeth benfeddwol o ddoniau o Gymru, gan gynnwys Aderyn, Adwaith, Breichiau Hir, Eädyth & Izzy Rabey, HMS Morris, Lemfrek,  Ogun, Plastic Estate, Sweet Baboo, Voya a Yxngxr1.

Mae perfformwyr eraill yn cynnwys un o’r perfformwyr mwyaf heintus a gweithgar ar y gylchdaith fyw ar hyn o bryd, Los Bitchos o Lundain gyda’u sŵn Cumbia, Sea Power o Brighton,  Billy Nomates o Fryste a  Bodega, sy’n dod â swyn cŵl NYC i’r ŵyl.

Ar ben y swp di-ri o enwau yng ngŵyl eleni, fe fydd y band araf-gathartig deathcrash, y bythol ysbrydoledig Alabaster DePlume, roc shoegaze gafaelgar gan bdrmm, celf-bop synth-slebogaidd gan Home Counties, roc indi grymusgar o Glasgow gyda Lucia & the Best Boys, rapiwr cynyddol boblogaidd o orllewin Llundain Jelani Blackman, symffonïau hi-fi Strawberry Guy, taranau byw siamanaidd gan Snapped Ankles, seryddion pop-strato The Orielles, Krautrock tanllyd gan TRAAMS, pop emosiynol a hudolus gan Wesley Gonzalez, a’r motorik llachar WH Lung.

Cadwch lygad am fwy gan Ŵyl Sŵn wrth i fis Hydref agosáu, ond am nawr ewch i swnfest.com i gael rhagor o wybodaeth ac opsiynau tocynnau (mae tocynnau cyntaf i’r felin bellach wedi gwerthu allan).